Oludasilẹ ileesẹ Fresh Fm, Yinka Ayefẹlẹ ti fesi si bi ijọba ipinlẹ Ọyọ se wo ileesẹ redio naa ni kutu hai aarọ ọjọ Aiku.
Yinka Ayefẹlẹ, lasiko to n sọrọ lori redio ọhun, Fresh FM, to bẹrẹ isẹ pada lẹyin wakatai meji ti ijọba wo ile naa, rọ awọn araalu to n se atilẹyin fun-un, lati mase da rogbodiyan kankan silẹ lori isẹlẹ naa.
Bakan naa lo tun rọ wọn lati mase jo ọkọ Ajumase ti ijọba gbe sẹba ileesẹ́ naa, lọna ati gbẹsan lara ijọba.
O tun dupẹ lọwọ gbogbo agbaye fun atilẹyin wọn pẹlu afikun pe ibi to ba le, la n ba ọmọkunrin.
“Ẹ ni suuru, ẹma fa rogbodiyan, to ba jẹ pe lootọ lẹ́ ni ifẹ́ mi, mo bẹ yin ni, ẹ mase jo ọkọ ijọba to wa nilẹ. Bi ijọba tilẹ wo ileesẹ, amọ redio Fresh FM ko lee wo lailai, tori araalu lo nii.”
Ayefẹlẹ ni “niwọn igba ta a ba ti se ohun to lodi sofin, taa si bu ijọba, taa si se ohun to lodi si ilana eto igbohunsafẹfẹ́, ẹyin ẹ fi idajọ silẹ sọdọ Ọlọrun, ẹ jẹ ka fa wọn si kootu Ọlọrun.
“Bakan naa ni Ayefẹlẹ tun dupẹ́ pupọ lọwọ ijọba ipinlẹ Ọyọ fun ibi ti wọn sin oun de, o si tun dupẹ lọwọ kọmisana feto iroyin, Toye Arulogun, pe oun lo pilẹ ọrọ bi wọn yoo se wo ile oun, oun si ki pe o ku aseyọri lori isẹ naa.
